មកដឹងពីមូលហេតុដែល Nottingham Forest បណ្តេញគ្រូបង្វឹក
លោក Evangelos Marinakis ដែលជាម្ចាស់ក្លិប Nottingham Forest បានចំណាយពេលសម្រេចចិត្តមុនបណ្តេញគ្រូបង្វឹកលោក Nuno Espirito Santo ក្រោយមានការខឹងសម្បារ និងឈឺចាប់ បន្ទាប់ពីគ្រូបង្វឹករូបនេះបកស្រាយអំពីជម្លោះជាលក្ខណះសាធារណះដល់ទៅពីរលើកត្រឹមរយះពេល ៧ ថ្ងៃ។
នៅក្នុងបទសម្ភាសន៍មុនបើករដូវកាលថ្មីលោក Nuno បានរិះគន់យ៉ាងចំហចំពោះបុគ្គលជាន់ខ្ពស់នៅក្លិបដែលមើលការខុសត្រូវលើយុទ្ធសាស្ត្រទីផ្សារដោះដូរផ្ទេរ ដោយនិយាយថាក្រុមរបស់គាត់គឺ មិនមានតុល្យភាព និងស្ថិតនៅឆ្ងាយណាស់ពីការត្រៀមខ្លួនសម្រាប់រដូវកាលថ្មី។
ក្នុងសប្តាហ៍បន្ទាប់ Forest បានចំណាយប្រាក់ ១១៨ លានផោនលើកីឡាករថ្មីបួននាក់។ឮ
បន្ទាប់មក នៅមុនការប្រកួតបន្ទាប់របស់ Forest ជាមួយ Crystal Palace លោក Nuno បាននិយាយនៅក្នុងសន្និសីទសារព័ត៌មានរបស់គាត់ថាទំនាក់ទំនងរបស់គាត់ជាមួយម្ចាស់ក្លិនមានកំហុសយ៉ាងធ្ងន់ធ្ងរ ហើយបានធ្លាក់ចុះចាប់តាំងពីការមកដល់របស់លោក Edu ក្នុងនាមជាដៃស្តាំរបស់ Marinakis និងជាប្រធានបាល់ទាត់ពិភពលោក។
Nuno បាននិយាយថាគ្មានផ្សែងដោយគ្មានភ្លើង ចំពេលមានរបាយការណ៍ថាការងាររបស់គាត់ស្ថិតក្នុងគ្រោះថ្នាក់។
Nuno បានទទួលស្គាល់ថាគាត់មិនបាននិយាយជាមួយ Edu ហើយក៏មិនមានការសោកស្ដាយចំពោះការនិយាយប្រឆាំងនឹងមេរបស់គាត់ដែរ។
Nuno បាននិយាយថា៖«ខ្ញុំបាននិយាយហើយខ្ញុំមិនសោកស្តាយទេ។ សម្រាប់ខ្ញុំ វាជារឿងសំខាន់ដែលមនុស្សគ្រប់គ្នានៅក្នុងក្លិបចែករំលែកទស្សនៈវិស័យ និងការប្តេជ្ញាចិត្តដូចគ្នា។ ខ្ញុំត្រូវតែនិយាយទៅកាន់ម្ចាស់ក្លិប»។
ខណះជំនួបដែល Nuno ចង់បានជាមួយម្ចាស់ក្លិប Forest មិនដែលកើតឡើងទេ។
ផ្ទុយទៅវិញ មហាសេដ្ឋីក្រិចរូបនេះបានសម្រេចចិត្តថា វាជាការប្រសើរជាងក្នុងការជំនួស Nuno ជាមួយនឹងគ្រូបង្វឹកថ្មី ដោយមានអារម្មណ៍ថា វាគឺជាវិធីតែមួយគត់ដើម្បីជំរុញក្លិបឱ្យឆ្ពោះទៅមុខ៕
